Mesfushori i Chelsea, Cesc Fabregas, është zotuar se do të mundohet ta ndalojë ish bashkëlojtarin e tij, Lionel Messi, gjatë takimit së mërkurës mbrëma.

Të dy gjigantët do të takohen në Nou Camp, për ta zhvilluar ndeshjen e dytë, për të siguruar një vend në çerekfinale.

Në ndeshjen e parë të zhvilluar në Stamford Bridge muajin e kaluar, kishte përfunduar me rezultat të barabartë 1 me 1, dhe që të dy klubet kanë gjasa për t’u  kualifikuar.

Super ylli Lionel Messi, nuk i kishte shënuar Chelsea në tetë përballjet e kaluar, por në ndeshjen e parë arriti ta thyente ‘fatin e zi’, duke e shënuar golin e barazimit për Barçën.

Por Fabrgas, i cili ka luajtur për tre vite së bashku me argjentinasin në Barcelonë, ka deklaruar se do të jetë shumë vështirë për ta ndalur Messi.

“Për ta ndalur atë do të jetë e vështirë, por unë do të tentojë të bëjë më të mirën, që ai të ndihet i pa rahatshëm”, tha Fabregas, transmeton arbresh.info.

“Unë e shoh atë si një rival që dëshiron të fitojë, dhe unë po ashtu e dëshiroj të njëjtë gjë. Ne jemi dy ekipe të ndryshme dhe çdo lojtarë dëshiron më të mirë për klubin e tyre. Natyrisht, gjithmonë kenmi respektin për njëri – tjetrin. Unë nuk e kam probelm të luajë kundër të kaluarë time, kundë shokëve të mi. Më pëlqen, ndjenjat gjithmonë kanë qenë pozitive”, shtoi mesfushori spanjoll.

“Unë e kam bërë me Arsenalin dhe tani me Chelsea, jam ndjerë mirë në të dy rastet. Nuk më pengon të luajë kundër ish skuadrave apo miqëve të vjetër, më motivon. Siç e thashë, jam shumë i motivuar dhe dëshiroj që askush të mos dyshoj se unë e dua më të mirën për klubin tim aktual. Në fakt, kjo më jep ekstra motiv”, përfundoi 32 vjeçari.

Fabregas në të kaluarën kundër Barcelonës në Nou Camp, kishte luajtur sa ishte anëtar i Arsenalit. /arbresh.info/