Cesc Fabregas nuk është i interesuar për transferim te Milani

18:52 | 2 Maj 2017
Arbresh Info

Sipas raporteve të ndryshme, Cesc Fabregas i ka thënë Chelseat se nuk është i interesuar për transferim në Itali pas interesimit të shfaqur nga AC Milani.

E ardhmja e mesfushorit spanjoll në ‘Stamford Bridge’ mbetet në dyshime, pasi ka startuar në vetëm 10 ndeshje në Premierë Ligë këtë sezon nën udhëheqjen e Antonio Contes, transmeton portali arbresh.info.

“Rossonerët”, tani nën udhëheqjen e pronarëve të rinj kinez, thuhej se janë të gatshëm për të ofruar 30 milionë funta për ish yllin e Arsenalit. Megjithatë, ‘Evening Standard’ raporton se Fabregas nuk është i interesuar për largim nga Londra dhe është i vendosur në kryeqytetin anglez.

Pavarësisht rolit të tij të limituar nën udhëheqjen e Contes, Fabregas ka shënuar gjashtë gola dhe ka krijuar gjithsej 10 asistime brenda të gjitha kompeticioneve këtë edicion./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm