Google ADS

CAS ia rikthen Skënderbeut titullin e kampionit

11:46 | 13 Prill 2018
Arbresh Info

Skuadrës së Skënderbeut i është rikthyer titulli i kampionit për sezonin futbollistik 2015- 2016, një “kurorë” të cilën ia hoqi Komisioni i Disiplinës së futbollit shqiptar.

Lajmi është njoftuar vetë nga klubi korçar përmes një postimi në rrjetin social ku shkruhet se CAS ka pranuar kërkesën e dorëzuar nga Skënderbeu.

“Pas kërkesës së Skënderbeut kundër vendimit të 23 qershorit 2017 të Komitetit të Etikës të Federatës Shqiptare të Futbollit, CAS vendos anulimin e këtij vendimi”, thuhet në vendimin e Arbitrazhit sportiv.

Vendimi i marrë nga Komisioni i Etikës pranë FSHF-së erdhi si pasojë e ndëshkimit të UEFA-s për akuzën e trukimit të ndeshjeve. Në atë kohë Partizani kërkoi marrjen e titullit kampion, por Skënderbeu e apeloi çështjen në CAS dhe sot kjo e fundit i ka dhënë të drejtë korçarëve.

https://www.facebook.com/kfskenderbeu.al/photos/a.514189058618820.1073741826.187998704571192/1668848593152855/?type=3

Shpërndaje në rrjete sociale

Lajmet më të lexuara

Të ngjashme

Foto lajm