Capello: Bonucci pa top është mbrojtës tejet i dobët

11:46 | 27 Dhjetor 2017
Arbresh.info

Trajneri italian, Fabio Capello, ka folur për formën e mbrojtësit italian të AC Milan, Leonardo Bonucci.

Bonucci ishte befasia e verës, pasi u transferua nga Juventusi në Milan për shumën e 42 milionë eurove.

Megjithatë, ai nuk ka mundur të përsërisë formën e tij që kishte me fanellën e Zonjës së Vjetër.

Capello, i cili e u udhëhoqi Milanin drejt katër titujve kampioni në Serie A dhe një titulli në Ligë të Kampionëve në vitin 1994, i ka vlerësuar cilësitë e Bonuccit, si dhe e ka treguar arsyen pas formës së tij të dobët.

“Ai është mbrojtësi më i mirë italian kur e ka topin në këmbë. Është në mesin e tre më të mirëve në botë”, ka thënë Capello për Sky Sport Italia.

“Por, ai nuk di të mbrojë. Ka probleme të mëdha. Në Juve ka qenë i lirë dhe kjo ishte ideale për të. Është perfekt për të të luajë në sistem me tre mbrojtës. Të luash me katër është shumë vështirë”, përfundoi ish trajneri i kombëtares së Anglisë. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm