Cambridge largohet nga Trepça, mitrovicasit kanë një emër për ta zëvendësuar

11:53 | 19 Dhjetor 2024
D.H

Trepça ka bërë të ditur se ka larguar basketbollistin amerikan, Desmond Cambridge.

Lajmin e ka bërë të ditur klubi mitrovicas përmes një postimi në rrjetin social Facebook, shkruan Arbresh.info.

Cambridge është basketbollisti i parë i huaj i cili largohet nga mitrovicasit. Ai u bashkua gjatë afatit kalimtar, teksa në njoftim thuhet se ai është larguar me një marrëveshje të dyanshme.

“Njoftojmë se, pas një marrëveshjeje të dyanshme, kemi ndërprerë bashkëpunimin me lojtarin Desmond Cambridge. Në emër të klubit, i urojmë çdo të mirë dhe shumë suksese në vazhdimin e karrierës së tij profesionale”, shkruhet në njoftimin e xehetarëve.

Mirëpo mitrovicasit nuk priten të qëndrojnë duarkryq dhe siç ka kuptuar Arbresh.info, në Mitrovicë pritet të zbarkojë ditëve në vijim Tekele Cotton, i cili do ta zëvendësojë Cambridgen.

Cotton pritet të zyrtarizohet ditëve në vijim si basketbollisti më i ri i kampiones në fuqi./Arbresh.info

 

 

 

Shpërndaje në rrjete sociale

Lajmet më të lexuara

Të ngjashme

Foto lajm