Google ADS

Calhanoglu është gati të largohet nga Milani, e duan klubet gjermane

13:44 | 24 Korrik 2020
A. B.

Hakan Calhanoglu po konsideron të ardhmen e tij te Milani dhe mund të kërkojë një transferim në Gjermani, me Hertha Berlin dhe RB Leipzig në pritje.

Sipas La Gazzetta dello Sport, 26-vjeçari turk, i cili u lind dhe u rrit në Gjermani është gati të largohet këtë verë nga Milani.

Kontrata e tij do të skadojë në qershor të vitit 2021 dhe ai ka qenë në klub që nga viti 2017, megjithëse vetëm kohëve të fundit ka gjetur një formë të qëndrueshme.

Edhe konfirmimi i Stefano Pioli si trajner mund të mos jetë i mjaftueshëm për të bindur Calhanoglu të mbetet në San Siro.

Raportohet se një rikthim në Bundesligë është hapi më i mundshëm i radhës, me RB Leipzig dhe Hertha Berlin që kanë bërë interesin e tyre të njohur për disa muaj.

Deri më tani këtë sezon, Calhanoglu ka kontribuar me nëntë gola dhe tetë asistime në 35 ndeshje të Milanit midis Serie A dhe Coppa Italia. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm