Bytyqi dhe Dellova shënojnë gola vendimtar për CSKA Sofian në Kupën e Bullgarisë

18:25 | 15 Dhjetor 2024
D.H

Dy lojtarët e kombëtares së Kosovës, Zymer Bytyqi dhe Lumbardh Dellova, kanë qenë vendimtar në fitoren e skuadrës së tyre CSKA Sofia në kuadër të Kupës së Bullgarisë, ndaj Spartak Varna.

CSKA fitoi me rezultat 2-3 në udhëtim për të gjetur kualifikim tutje në Kupë, teksa Bytyqi e Dellova realizuan nga një gol, shkruan Arbresh.info.

Mysafirët ishin duke u mposhtur 2-0, mirëpo fillimisht Leya Iseka ngushoi epësinë.

Teksa radhën për gol e pati ylli dardan, Zymer Bytyqi i cili shënoi në minutën 32-të për të barazuar rrezultatin.

Kurse, Lumbardh Dellova realizoi në minutën e 78-të për golin e fitores dhe të kualifikimit.

Goli i Bytyqit ishte i treti këtë sezoni krahas një asistimi në të gjitha garat, ndërsa Dellova ia bëri “sefte” realizimit me CSKA Sofian./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm