Google ADS

Buffon: Neymar ka merituar t’i fitojë pesë Topa të Artë

18:36 | 19 Nëntor 2024
D.H

Gianluigi Buffon është një nga ikonat e futbollit italian dhe atij evropian.

Ish-portieri italian ka fituar pothuajse gjithçka që mund të fitohet në nivelet më të larta të futbollit dhe si rezultat ka ndarë fushën me disa prej yjeve më të mëdhenj.

Në një intervistë për Corriere della Sera para publikimit të librit të tij të ri, Buffon shpjegoi se në fakt ishte Neymar lojtari i cili ai beson se ishte më i forti gjatë karrierës së tij.

Duke qenë pjesë e nivele të larta të futbollit për shumë vite, ai edhe është përballur me emra të mëdhenj të këtij sporti.

Duke nisur nga Zinedine Zidane, Ronaldo Fenomeni, Messi e Cristiano Ronaldo.

“Kam luajtur kundër tri gjeneratash në futboll, mirëpo nëse më duhet të zgjedh një lojtar, atëherë ai është Neymar JR. Sipas mendimit tim, ai ka merituar t’i fitojë 5 ‘Topa të Artë’”, ka thënë Buffon.

Neymar momentalisht luan tek Al-Hilal në Arabinë Saudite, derisa në karrierën e tij ka djersitur fanellat e Santos, Barcelonës dhe PSG-së.

Shpërndaje në rrjete sociale

Lajmet më të lexuara

Të ngjashme

Foto lajm