Britania e Madhe dhe Irlanda kërkojnë zyrtarisht organizimin e “Euro 2028”, këto janë dhjetë stadiumet në dispozicion

14:47 | 12 Prill 2023
E.H

Britania e Madhe dhe Irlanda kanë dorëzuar zyrtarisht ofertat e tyre për të pritur Kampionatin Evropian të vitit 2028, njofton DailyMail.

Dhjetë stadiume janë përzgjedhur për të organizuar ndeshje, duke përfshirë gjashtë në Angli: Wembley, Tottenham Hotspur Stadium, Etihad Stadium, St James’ Park, Villa Park dhe terreni i ri i Evertonit në Bramley Moore Dock.

Vendet e tjera janë Stadiumi Principality në Cardiff, Hampden Park në Glasgow, Stadiumi Aviva në Dublin dhe Casement Park në Belfast.

Oferta britanike dhe irlandeze zhvillohet nën sloganin “Për të gjithë, për të mirë, për të ardhmen”.

Britania e Madhe dhe Irlanda përballen me konkurrencën nga Turqia për organizimin e “Euro 2028”.

Një votim do të mbahet nga shtëpia e futbollit evropian, UEFA në tetor.

Në qendër të ofertës është një premtim se tre milionë bileta të turneut do të jenë në dispozicion, më shumë se çdo kampionat evropian i mëparshëm./lajminet.

Shpërndaje në rrjete sociale

Lajmet më të lexuara

Të ngjashme

Foto lajm