Google ADS

Borea fiton derbin ndaj Pejës

18:53 | 25 Mars 2018
Arbresh.info

Në palestrën “Karagaç” është zhvilluar derbi lokal ndërmjet Pejës dhe Boreas (78-85), në kuadër të xhiros së 24 të Superligës së Kosovës në basketboll.

Basketbollistët që kishin epitetin e nikoqirit shënuan dy pikë më shumë se kundërshtari në dhjetëminutëshin e parë (15:13).

Shumë më bindëse ishte Peja në çerekun e dytë, në të cilin shënoi dhjetë pikë më shumë se Borea (28:18) dhe shkoi në pushim me epërsi bindëse.

Mirëpo, basketbollistët e Boreas u kthyen për ta fituar cerekun e tretë me dhjetë pikë më shumë (17:27) duke e ngushtuar rezultatin.

Ndërsa në pjesëlojën e fundit përmbysën gjithçka (18:27) dhe e fituan takimin me shtatë pikë epërsi (78-85).

Nga ana tjetër, për Pejën kjo ishte humbja e 18-të, ndërsa numëron edhe gjashtë fitore, dhe ka po ashtu 30 pikë.

Këto dy skuadra përpiqen të shmangen nga zona ‘play out’ e sidomos duan t’i ikin vendit të fundit (që aktualisht mbahet nga Kerasan Prishtina) që nënkupton rënie nga liga.

Shpërndaje në rrjete sociale

Lajmet më të lexuara

Të ngjashme

Foto lajm