Bordi i Tottenham po shqyrton të ardhmen e Nunos

09:59 | 1 Nëntor 2021
Lorik Gerbeshi

Pasi pësoi humbje me rezultata të thellë 3-0 në ndeshjen e së shtunës kundër Manchester United me Tottenham Hotspur që nuk arritën të regjistrojnë asnjë goditje në portë gjatë gjithë ndeshjes, drejtuesit e Spurs tani po kondisiderojnë seriozisht shqyrtimin mbi të ardhmen e trajnerit, Nuno Espirito Santo.

Ata gjenden në vendin e tetë në Premier League dhe kanë humbur dy ndeshjet e fundit të ligës, kundër Ëest Ham dhe Manchester United.

Nuno nuk do të diskutonte të ardhmen e tij pas humbjes 3-0 të së shtunës mbrëma në shtëpi ndaj United, por tha se do të punonte shumë për t’i kthyer gjërat.

Pas humbjes së fundit të skuadrës së tij, Nuno tha për Sky Sports se: “Ne nuk jemi në rrugën e duhur. Unë i kuptoj plotësisht kritikat. Është pjesë e futbollit. Kur skuadra nuk luan, tifozët vuajnë. Tifozët nuk janë të lumtur, ata kanë treguar se nuk janë të lumtur.”

Megjithatë, klubi ka refuzuar të jap një përgjigje për këtë çështje./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm