Google ADS

BNE tashmë renditet e 20-ta në ranglistën e përditësuar në CS:GO

19:55 | 16 Maj 2022
KRG

Tjetër arritje nga ekipi shqiptar, tashmë për herë të parë renditen në vendin e 20 –të në ranglistën botërore të CS:GO.

Pas sukseseve të fundit në turneun më të madh të CS:GO, ekipi shqiptar nga Kosova, Bad News Eagles tani renditet në vendin e 20 –të në ranglistën botërore të CS:GO.

Kjo vjen pas arritjes së tyre në fazën Legends Stage të turneut PGL Antwerp Major 2022.

Pas përditësimit të listës së ekipeve më të mira të botës nga HLTV, ekipi i bNe nga vendi i 26 –të arriti që të kaloj në vendin e 20 –të.

Ky është një tjetër sukses i madh për ekipin shqiptar, pasi këtë sukses po e arrijnë pa ndonjë organizatë, e që pritet të arrijnë një marrëveshje me ndonjë organizatë së shpejti, pasi me suksesin që kanë arritur, interesimi i ekipeve sa vjen e shtohet.

Bad News Eagles pas kësaj renditje, kanë lënë pas tyre ekipe të mëdha botërore si: fnatic, OG, complexity. Më poshtë keni renditjen e plotë nga HLTV.

Shpërndaje në rrjete sociale

Lajmet më të lexuara

Të ngjashme

Foto lajm