Beson në Ligën e Kampionëve

20:55 | 15 Shkurt 2017
Arbresh.info

Talenti brazilian ka nisur të përshtatet në Itali.

Gabriel Barbosa i kënaqet fitores  kundër Empolit. Sulmuesi i skuadrës së Interit i njohur si Gabigol, ka deklaruar se aktivizimi i tij në takimin e dielës kundër Empolit e ka kënaqur atë, gjithashtu dhe fitorja pasi e ndihmon shumë skuadrën për të vazhduar më tej në arritjen e objektivave sezonal.

“Ndaj Empolit kemi zhvilluar një ndeshje të mirë. Personalisht stërvitem shumë çdo ditë dhe që tani jam duke menduar për takimin e ardhshëm. Nëse vazhdojmë kështu deri në fund të kampionatit, jam i bindur se skuadra do të arrijë të sigurojë  kualifikimin në Ligën e Kampionëve”, ka deklaruar ai.

Gabigol është transferuar gjatë verës nga Santosi për 30 milionë euro dhe shihet si një prej talenteve më të mëdhenj në Brazil.

Shpërndaje në rrjete sociale

Lajmet më të lexuara

Të ngjashme

Foto lajm