Berrettini nuk e fiton finalen e parë Grand Slam, humb në Wimbledon

19:36 | 11 Korrik 2021
KRG

Tenisti italian, Matteo Berrettini, nuk ka arritur ta vazhdojë fillimin e mbarë në finalen e të dielës në Wimbledon, të cilën e humbi pas katër setesh.

Tenisti italian befasoi duke e nisur me stil finalen e madhe në Londër dhe duke e fituar setin e parë 6-7 (7-4) përballë Novak Djokovicit.

Megjithatë tenisti me renditjen më të mirë në botë u rikthye për t’i fituar tri setet e radhës (6-4, 6-4, 6-3) dhe kështu e fitoi për të gjashtën herë Wimbledonin.

Njëherësh, ky ishte titulli i 20-të Grand Slam për 34-vjeçarin, i cili e ka barazuar rekordin me Roger Federer dhe Rafael Nadal.

Dueli zgjati plot tre orë e 24 minuta, derisa u ndoq nga 15.000 tifozë. Kjo ishte pjesëmarrja e parë e 24-vjeçarit Berrettini në një finale Grand Slam, derisa për Djokovic finalja e 30-të. /Telegrafi/

 

 

 

 

Shpërndaje në rrjete sociale

Lajmet më të lexuara

Të ngjashme

Foto lajm