Google ADS

Benitez zbulon arsyet pse Liverpool shiti Alonson, Mascheranon dhe Torres

14:12 | 3 Mars 2020
Arbresh Info

Ish-trajneri i Liverpool, Rafa Benitez ka zbuluar arsyet pse klubi më herët i ka shitur yjet e skuadrës si Xabi Alonso te Real Madrid, Fernando Torres te Chelsea dhe Javier Mascherano te Barcelona.

Benitez i cili ishte pjesë e “Reds” për gjashtë sezone nuk arriti të fitojë Premierë Ligën, por pati sukses duke triumfuar në Ligën e Kampionëve dhe FA Cup.

Ish-trajneri i Real Madrid dhe Chelsea për Marca ka thënë se klubi nuk ka pasur para dhe në mënyrë që t’iu afrohet rivalëve është dashur të shesë yjet e skuadrës.

“Nuk kishim para. Buxheti ishte 17 milionë euro, pra nuk ishte i kompletuar”.

“Duhej të provonin të shisnim dhe u deshtë të shesim Mascherano, Alonso dhe Torres. Ishte mënyra e vetme për t’iu afruar rivalëve”, theksoi ai.

Liverpool këtë sezon është shumë afër për të fituar Premierë Ligën që nuk e ka fituar që 30 vite./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm