Bellingham është lojtari i lindur për Real Madrid, sipas Zinedine Zidane

18:25 | 17 Dhjetor 2023
D.H

Real Madrid transferoi Jude Bellinghamin për më shumë se 100 milionë euro në merkaton e verës nga Borussia Dortmund.

20-vjeçari anglez deri tani në La Liga dhe Champions League ka luajtur në 19 ndeshje duke realizuar 16 gola dhe dhuruar pesë asiste, shkruan Arbresh.info.

Mesfushori është tashmë lideri i Realit të Carlo Ancelotti ndërsa fjalë të më mëdha për 20-vjeçarin vijnë edhe nga një legjendë e Los Blancos si Zinedine Zidane.

Tekniku francez theksoi se Bellingham është një lojtar i lindur për Realin e Madridit.

“Bellingham është një lojtar shumë i rëndësishëm, është lojtari i së ardhmes. Për mua është një lojtar i “brumosur” për Realin e Madridit”, theksoi Zidane.

Bellingham bart numrin pesë në fanellën e Real Madridit, numër të cilin barti edhe “Zizou” sa ishte pjesë e Real Madridit./Arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm