Befason Barcelona, e kërkon Nunezin si zëvendësues të Suarezit

10:44 | 3 Nëntor 2020
L G

Barcelona është duke e konsideruar mundësinë e transferimit të sulmuesit uruguaian Darwin Nunez.

Barça pritet të jetë aktive në afatin kalimtar të janarit, pasi që trajneri Ronald Koeman e kërkon dyshen holandeze Gini Wijnaldum dhe Memphis Depay dhe do të tentojnë përsëri për mbrojtësin e Manchester Cityt, Eric Garcia, raporton Gazeta Express.

Sidoqoftë, gjiganti katalonas ka shfaqur interesim edhe për 21-vjeçarin e Benficës, Nunez, për të cilin do të tentojnë në fund të sezonit.

Koeman gjithashtu është i interesuar për yllin uruguaian dhe dëshiron që ta ketë në skuadër për sezonin e ardhshëm, por vetëm në rast së Barcelona e paguan çmimin e kërkuar nga Benfica i cili është 40 milionë euro.

Nunez ka shënuar katër gola në shtatë ndeshje gjatë këtij sezoni dhe një het-trik kundër Lech Pozan në kuadër të Evropa Ligës.

Shpërndaje në rrjete sociale

Lajmet më të lexuara

Të ngjashme

Foto lajm