Kampioni i Bundesligas është rikthyer me fitore nga pushimi vjetor i dimrit duke siguruar tri pikë të plota.

Bayern Munichu ka mposhtur me rezultat bindës 3 me 1 skuadrën e Bayer Leverkusenit në ndeshjen e zhvilluar mbrëmjen e sotme (e premte) në kuadër të xhiros së 18-të në kampionatin gjerman, shkruan portali arbresh.info.

Skuadra e Jupp Heynckes kaloi në epërsi pas gjysmë ore lojë në BayArena. Mysafirët shënuan për 0 me 1 përmes Javi Martinez, i cili realizoi nga afërsia pasi pranoi topin nga rivënia nga këndi që fillimisht ishte pritur nga Arturo Vidal.

Goli i dytë për “Bavarezët” erdhi në minutën e 59′ të pjesës së dytë. Anësori Franck Ribery realizoi gol të bukur ndaj portierit Bernd Leno pas asistimit që mori nga James Rodriguez.

Kevin Volland ngushtoi epërsinë e mysafireve me një supergol nga distanca që la të pashpresë portierin Sven Ulreich. Goli nga sulmuesi qendror për 1 me 2 aktivizoi edhe më shumë ndeshjen por rezultati mbeti sërish në favor të liderit në Bundesliga që realizoi për 3 me 1 në minutën e fundit të kohës së rregullt.

Ish ylli i Real Madridit, James Rodriguez shënoi gol të mrekullueshëm nga goditja e lirë (90.)

Futbollisti shqiptar Admir Mehmeti u inkuadrua në fushë në minutën e 77′ si një zëvendësues i Julian Brandt.

Bayern Munichu tani ka 44 pikë, 14 pikë më shumë se Schalke në pozitën e dytë, ndërsa Bayer Leverkuseni ka 28 pikë dhe qëndron në pozitën e katërt./arbresh.info/

Shikoni golat: