Google ADS

Bayerni nuk heq dorë nga transferimi i Frenkie De Jong

19:55 | 7 Janar 2021
A. B.

Bayern Munich vazhdon të mbetet skuadër e interesuar për mesfushorin Frenkie De Jong.

Holandezi ka rikthyer formën e tij më të mirë pas një starti të dobët, ndërsa ai pëlqehet shumë nga gjiganti gjerman.

Disa javë më parë ishte e përditshmja gjermane Sport Bild që kishte raportuar se bavarezët po interesohen për transferimin e tij.

Tani përsëri mediat në Gjermani kanë vazhduar të shkruajnë për interesimin e kampionit në fuqi për mesfushorin holandez.

Edhe më herët bavarezët e kishin ndjekur lojtarin sa ishte pjesë e Ajaxit, por ai në fund preferoi transferimin te Barça.

Kampioni në fuqi i Evropës është gati që të dalë me një ofertë mbi 80 milionë euro për ta transferuar tulipanin në Allianz Arena.

De Jong ndihet mirë dhe i vlerësuar te Barcelona, por nuk përjashtohet largimi i tij nga Camp Nou, duke marrë parasysh se në klubin katalunas pritet të bëhen shumë ndryshme nga vera e këtij viti. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm