Bayerni kërkon të largojë mesfushorin

15:01 | 13 Shkurt 2020
A. B.

Blerja e dytë më e shtrenjtë në historinë e Bayernit, mund të largohet në fund të sezonit nga bavarezët. Korentin Toliso nuk po jep atë që pritej te gjermanët, pasi dëmtimet nuk e kanë lënë të qetë.

Drejtuesit dhe stafi teknik ka humbur durimin dhe në verë mesfushori francez pritet të dalë në shitje. Siç raporton “Bild”, Juventusi do të futet në garë për të blerë shërbimet e Tolisos.

Dëmtimi i tij në shtator të 2018-ës nuk e la atë të rritjej, por Juventusi beson te lojtari dhe do ta kërkojë në fund të sezoznit.

Toliso ka një rrogë prej afro 7 milionë eurosh dhe Bajerni kërkon të largojë një lojtar jo thelbësor për projektin. Mbetet të shihet tashmë e ardhmja e ish-lojtarit të Lyonit.

Shpërndaje në rrjete sociale

Lajmet më të lexuara

Të ngjashme

Foto lajm