Bayern Munichut i mjafton goli nga Arturo Vidal, tri pikë në Commerzbank Arena

17:24 | 9 Dhjetor 2017
Arbresh Info

Arturo Vidal i ka siguruar tri pikë të plota kampionit në fuqi të Gjermanisë.

Bayern Munichu ka mposhtur me rezultat minimal 0 me 1 rivalin e pasdites të së shtunës, Eintracht Frankfurt, duke siguruar tri pikë të plota me golin e mesfushorit kilian, shkruan portali arbresh.info.

Skuadra Jupp Heynckes është rikthyer në formën e tyre qysh pasi ish trajneri i tyre mori detyrën si zëvendësues i Carlo Ancelottit. Pas dy fitoreve radhazi, “Bavarezët” kanë mposhtur në Commerzbank Arena skuadrën e trajnerit Niko Kovac duke përforcuar kreun në tabelën e Bundesligës.

Arturo Vidal duke festuar golin e realizuar në minutën e 20′

Mesfushori 30-vjeçar, Arturo Vidal realizoi golin vendimtar të ndeshjes në minutën e 20′. Pas një harkimi nga rivënia nga këndi e ekzekutuar nga Joshua Kimich, kiliani la të pashpresë portierin Lucas Hradecky.

Bayern Munichu tani ka 35 pikë në krye të tabelës, gjashtë më shumë se RB Leipzigu, ndërsa Eintracht Frankfurti ka 22 pikë dhe qëndron në pozitën e nëntë./arbresh.info/

Goli i realizuar nga Arturo Vidal:

Shpërndaje në rrjete sociale

Lajmet më të lexuara

Të ngjashme

Foto lajm