Bayern Munich sërish ndalet në barazim, Hoffenheim merr një pikë të vlefshmë në luftë për pozitat e para

17:39 | 12 Mars 2022
Lorik Gerbeshi

Hoffenhaim dhe Bayern Munich kanë ndarë pikët, duke barazuar në 1-1 në kuadër të javës së 26-të në Bundesliga.

Ndeshja nisi me raste nga të dyja palët që rrezikuan. Fillimisht Hoffenham rrezikoi me Andrej Kramaric, por Manuel Neuer priti.

Pas tij ishte radha e Serge Gnabryt, por edhe ky u ndal nga portieri Oliver Baumann.

Goli i parë në ndeshje erdhi në minutën e 32-të, kur David Raum asistoi te Christoph Baumantner i cili shënoi për 1-0.

Bayern nisi të luajë në sulm pas golit të pranuar, por Nilas Sule dhe Thomas Muller nuk ishin ta saktë.

Kur pritej të mbyllej pjesa e parë në skenë doli i zakonshmi Robert Lewandowski që shënoi për 1-1.

Edhe pjesa e dytë solli disa raste me Bayernin që ishin më kërkues, por deri në fund rezultati rezultati nuk ndryshoi.

Bayern Munich merr barazimin e dytë me radhë, por mbetet lider me 60 pikë, dhjetë më shumë se Borussia Dortmund, që ka dy ndeshje më pak.

Shpërndaje në rrjete sociale

Lajmet më të lexuara

Të ngjashme

Foto lajm