Google ADS

Batatina: Prishtina për mua ishte “supë e pulës”

17:02 | 13 Prill 2022
KRG

Tahir Batatina e ka komentuar fitoren e skuadrës së tij ndaj Prishtinës në kuadër të gjysmëfinales së Kupës së Kosovës.

Llapjanët fituan 2-0 ndaj prishtinasve, duke e siguruar kështu kualifikimin në finale.

Pas ndeshjes u deklarua pikërisht Batatina, i cili tha se kundërshtari iu duk si “supë e pulës”.

“Mendoj se Llapi është më shumë meritë në finale, nuk jemi si turistë, por kemi mundur ekipet më të forta të futbollit në Kosovë. Me plot meritë po shkojmë në finale, kemi qenë shumë të kujdesshëm. Janë dy lloje supash, e knusit dhe e pulës, Prishtina për mua ka qenë si një supë e pulës. Sot shënuam dy gola, e merituam shumë“, tha Batatina.

Rezultati i përgjithshëm i të dy ndeshjeve të luajtura është 3-2, pas fitores së kryeqytetasve, 2-1, në ndeshjen e parë.

Shpërndaje në rrjete sociale

Lajmet më të lexuara

Të ngjashme

Foto lajm