Google ADS

Batatina i pakënaqur me ndarjen e drejtësisë në sfidën ndaj Feronikelit

21:00 | 21 Qershor 2020
Arbresh Info

Trajneri i Llapit, Tahir Batatina, e ka kritikuar ndarjen e drejtësisë në ndeshjen, të cilën skuadra e tij e humbi si mysafir i Feronikelit.

Në sfidën e zhvilluar në stadiumin “Rexhep Rexhepi”, vendasit realizuan dy herë përmes Mevlan Zekës nga penalltia, ndërsa një gol për mysafirët e shënoi Ersil Ymeri.

Gjatë komentimit të ndeshjes për mikrofonat e SuperSport, Batatina nuk ishte i kënaqur me gjyqtarët e takimit.

Ai ka thënë se të zgjedhurit e tij e dominuan sfidën, porse skuadra e tij u dëmtua në këtë ndeshje me penalltitë e akorduara.

Batatina ka thënë se kundërshtari nuk ishte më i fortë se ekipi i tij, megjithatë ia ka uruar fitoren.

Pas kësaj humbjeje, Llapi mban vendin e gjashtë në tabelë me 37 pikë, kurse Feronikeli pozicionohet një vend më lart me gjashtë pikë më shumë.

Shpërndaje në rrjete sociale

Lajmet më të lexuara

Të ngjashme

Foto lajm