Google ADS

Batatina ankohet në gjyqtarët: Nuk guxojmë të gabojmë kështu

16:53 | 18 Nëntor 2017
Arbresh.info

Llapi nuk ka arritur fitore në shtëpi ndaj Feronikelit edhe pse llogariteshin si favoritë për fitore.

Në fund ndeshja përfundoi në barazim 1-1, por që të pakënaqur kanë mbetur vendasit.

Trajneri i Llapit, Tahir Batatina është ankuar në gjyqtarin kryesor Genc Nuza, për gabime në ndeshje.

“Gjyqtarët pasi që janë vlerësuar nga UEFA, po mendojnë që janë Zot të futbollit. Duket që Feronikeli ka bërë kontratë me Nuzën që ta përcjellë duke ia referuar ndeshjet gjatë gjithë kampionatit. Ai ka bërë gabime sot. Behar Maliqi meritoi kartonin e dytë të verdhë, por ia fali”, deklaroi Batatina pas ndeshjes për Super Sport Kosovën.

Në fund Batatina foli edhe për rrjedhën e ndeshjes duke thënë se humbën një rast të mirë për tu larguar nga ndjekësit.

“Ne nuk guxojmë të gabojmë kështu. Patëm rast që të largohemi nga ndjekësi i parë, por nuk ia dolëm. Ekipi që lufton për titull nuk duhet të bëjë gabime të tilla dhe të pësojë gola të tillë”, përfundoi Batatina.

 

Shpërndaje në rrjete sociale

Lajmet më të lexuara

Të ngjashme

Foto lajm