Google ADS

Bashkimi Evropian kundër Superligës: Do të mbështetim modelin e sportit gjithëpërfshirës

17:28 | 10 Janar 2024
KRG

Edhe Bashkimi Evropian është kundër Superligës Evropiane. Të paktën këtë lë të kuptohet në deklaratën e tij të fundit zv. presidenti i Komisionit të Bashkimit Evropian, Margaritis Schinas, i cili rreshtohet përkrah UEFA-s.

“Impenjimi ynë në drejtim të modelit sportiv europian, është i palëkundur dhe i pakushtëzuar. Natyrisht që ka një element komercial në sport dhe në futboll, por modeli sportiv europian u përket të gjithëve.

Do të vazhdoj të mbroj këtë ide të një modeli sportiv europian gjithëpërfshirës. Dhe jam shumë i kënaqur nga fakti që nuk jam i vetmi. Shtetet tona anëtare, Parlamenti Evropian, tifozët, të gjithë ndajnë këtë mënyrë për të parë sportin dhe futbollin në Europë“.

Ishte kjo përgjigja e zv. presidentit të Komisionit të Bashkimit Evropian, i pyetur në lidhje me Superligën. Me Schinas që nuk harroi të saktësonte: “Sigurisht që nuk do të komentoj vendimin e Gjykatës së Drejtësisë së Bashkimit Evropian në lidhje me Superligën“./SS

Shpërndaje në rrjete sociale

Lajmet më të lexuara

Të ngjashme

Foto lajm