Barcelona nuk planifikon transferimin e yllit të Chelsea-s

21:07 | 23 Shtator 2020
Arbresh Info

Barcelona nuk ka ndonjë interes për të transferuar mbrojtësin e Chelsea-s, Antonio Rudiger.

Sipas Mundo Deportivo, gjermani nuk është në listën e lojtarëve që vëzhgohen nga gjiganti katalunas, transmeton portali arbresh.info.

Rudiger nuk ka bërë ndonjë paraqitje për “Blutë” këtë edicion dhe disa media kanë raportuar që gjiganti londinez e ka lejuar të largohet.

Gjermani u transferua në “Stamford Bridge” në vitin 2017, por e ardhmja e tij mbetet e paqartë sidomos pas transferimeve të Thiago Silva-s dhe Malang Sarr-it.

Thuhet se Barcelona është duke provuar transferimin e Eric Garcia nga Manchester City, lojtar që më herët ishte në akademinë e klubit blaugranas./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm