Barcelona kontakton sulmuesin Alexandre Lacazette

10:32 | 15 Maj 2019
Arbresh Info

Barcelona është në kontakt me sulmuesin e Arsenalit, Alexandre Lacazetten.

Le 10 Sport raporton se Barcelona ka kontaktuar menaxhmentin e lojtarit për t’i njoftuar ata rreth interesimit të tyre, transmeton portali arbresh.info.

Kampioni në La Liga e sheh Lacazetten si një alternativ të sulmuesit të Atletico Madridit, Antoine Griezmann, i cili ka konfirmuar tashmë se do të largohet nga “Los Rojiblancos”.

Në rast se francezi refuzon transferimin në Camp Nou, ata do të reagojnë për të siguruar shërbimet e Lacazettes si një alternativ tjetër. Sugjerohet se sulmuesi i zhdërvjellët është shumë atraktiv për drejtorët e Barcelonës.

Në fillim të kësaj jave, Alexandre Lacazette është pyetur në lidhje me këto spekulime.

Duke folur për Telefoot, Lacazette është përgjigjur thjeshtë duke thënë: “Është për tu krenuar”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm