Google ADS

Barcelona konfirmon lëndimin e De Jong, mund të mungojë deri në nëntor

21:57 | 24 Shtator 2023
Orgesa Haziri

Barcelona e ka konfirmuar dëmtimin e Frenkie de Jong në kyçin e këmbës.

Sipas raportimeve mesfushori mund të mungojë deri në nëntor.

Mesfushori holandez duhej të zëvendësohej nga Gavi në pjesën e parë gjatë fitores së vonë të Barcelonës 3-2 ndaj Celta Vigo në La Liga të shtunën.

Edhe pse klubi konfirmoi se bëhet fjalë për një dëmtim në kyçin e këmbës, ata kanë refuzuar të vendosin një afat kohor për rikthimin e tij të mundshëm.

“Testet e kryera te lojtari i ekipit të parë Frenkie de Jong tregojnë se ai ka një dëmtim në syndesmosis tibiofibular në kyçin e këmbës së djathtë. Ai nuk është i disponueshëm për përzgjedhje dhe rikuperimi i tij do të diktojë rikthimin e tij”.

Megjithatë, gazeta spanjolle, Diario AS, ka raportuar se lojtari mund të përjashtohet për pesë deri në shtatë javët e ardhshme.

Kjo do të thotë se De Jong potencialisht mund të humbasë El Clasicon e parë të sezonit kundër Real Madridit, i cili është planifikuar më 28 tetor.

Shpërndaje në rrjete sociale

Lajmet më të lexuara

Të ngjashme

Foto lajm