Barcelona ka dy opsione për transferimin e Felixit

19:37 | 16 Tetor 2023
D.H

Joao Felix është transferuar në formë huazimi këtë verë nga Atletico Madrid në Barcelonë.

Pas ardhjes në Barcelonë, portugezi ka rilindur dhe është duke kaluar një formë të jashtëzakonshme, shkruan Arbresh.info.

Atletico i ka vendosur një çmim prej 80 milion euro portugezit.

Siç raporton Diario Sport, Barcelona po shqyrton dy mundësi për të bërë Joao Felixin përgjithmonë lojtar të tyre, pasi nuk kanë mundësi të paguajnë shumën e 80 milion eurove.

Mundësia e parë është transferimi i tij verën e 2024 dhe  pagesa të bëhet përmes tri kësteve nga 25 milion euro.

Kurse mundësia tjetër është të huazojnë edhe për një vit Felixin dhe të paguajnë disa para shtesë për atë huazim.

Andaj sipas kësaj mundësie blaugranat besojnë se do të transferojnë edhe zyrtarisht në vitin 2025.

Kujtojmë se portugezi është duke bërë perforanca të shkëlqyera këtë fillim sezoni dhe katalanasit janë të “dashuruar” në klasin e tij./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm