Borussia Dortmundi ka insistuar se asnjë vendim nuk është marrë në transferimin e Ousmane Dembeles te Barcelona, duke mohuar raportet se një marrëveshje prej 150 milionë euro është arritur ndërmjet dy klubeve.
“Ne i kemi vendosur një afat të fundit Barcelonës dhe deri atëherë ose do të ndodhë diçka ose nuk do të ndodhë”, ka thënë një zëdhënës i Dortmundit, transmeton portali arbresh.info.
E përditshmja gjermane ‘Bild’ raportoi të enjten se Barcelona ka rënë dakord për transferimin e lojtarit duke ofruar një tarifë prej 150 milionë euro, përfshirë edhe bonsuet, për të nënshkruar me anësorin e talentuar 20-vjeçar që u suspendua nga klubi në Bundesliga.
Zyrtarët e Barcelonës janë takuar me klubin gjerman të enjten në Monaco gjatë shortit në UEFA Ligë të Kampionëve dhe gazeta katalunase ‘Mundo Deportivo’ konfirmoi që takimi “shkoi shumë mirë”.
Zyrtarët e Dortmundit i dhanë më pas jehonë këtyre raporteve duke konfirmuar se ekziston një “marrëveshje me kusht”.
Sidoqoftë, tani gjithçka mbetet në dorë të Barcelonës për të shfrytëzuar afatin kohor deri të dielën në mënyrë për të nënshkruar me lojtarin./arbresh.info/
Vazhdon procesi gjyqësor ndaj ish-krerëve të UÇK-së
Biblioteka Kombëtare e Kosovës dhuron sot libra për mbi 30 b...
Moti në Shqipëri do të jetë me diell dhe mjegull
Nëntë ditë nga zgjedhjet Trump tubim në Manhatan, Harris në ...
Horoskopi, zbuloni parashikimin e yjeve për shenjën tuaj
Moti sot me diell dhe vranësira të shpërndara