Karim Adeyemi është sensacioni më i ri në futbollin evropian.
Sulmuesi i talentuar gjerman është duke shkëlqyer me gjigantin austriak RB Salzburg në këtë fillim të edicionit.
19-vjeçari ka shënuar shtatë gola dhe ka bërë dy asistime në 11 ndeshjet e para me klubin austriak dhe kjo ka bërë që shumë klube të mëdha të vihen pas tij.
Ditë më parë Adeyemi luajti me ekipin e tij përballë Sevillas, ku bëri një ndeshje të madhe.
Reprezentuesi gjerman fitoi tri penallti për Salzburgun, ku njërën nga to e humbi, por paraqitja e tij në Ligën e Kampionëve ishte spektakolare.
Mediat në Spanjë kanë raportuar se në atë takim kanë qenë të pranishëm edhe drejtues të Barcelonës që e kanë përcjellë nga afër lojtarin.
Gjiganti kataluans është në kërkim të një sulmuesi dhe pritet të bëjë një ofertë qysh në afatin kalimtar të janarit për transferimin e Adeyemit.
Kampioni i shumëfishtë i La Ligas do të tentoj transferimin e lojtarit në janar ku po përgatitë një ofertë prej 30 milionë eurove.
Megjithatë afrimi i tij nuk do të jetë aspak i lehtë për katalunasit, pasi gara për talentin gjerman po bëhet gjithnjë e më e nxehtë.
Bayern Munich, Borussia Dortmund, Real Madrid, Liverpool, Arsenal e Juventus janë skuadrat tjera të mëdha që janë duke monitoruar situatën e talentit gjerman. /Telegrafi/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite