Barcelona dhe PSG prijnë garën për Willian

19:32 | 6 Prill 2020
Arbresh Info

Barcelona dhe PSG janë duke prirë në garën për transferimin e sulmuesit të Chelsea-s, Willian.

Brazilianit kontrata i skadon në qershor dhe ka konfirmuar se do largohet sapo sezoni të përfundojë sepse nuk ka arritur marrëveshje për rinovimin e kontratës, transmeton portali arbresh.info.

Willian ka kërkuar nga “Blutë” kontratë trevjeçare, ndërsa gjiganti anglez i ka ofruar vetëm dyvjeçare, andaj lojtari nuk e ka pëlqyer.

Dy klubet londineze Arsenal dhe Tottenham janë të interesuar për 31-vjeçarin, por para tyre janë Barcelona dhe PSG.

Dy gjigantët evropianë planifikojnë të transferojnë sulmues të krahut dhe Willian është i preferuar i dy skuadrave.

Këtë sezon braziliani ka shënuar gjashtë gola dhe ka bërë pesë asistime në 35 paraqitje në të gjitha garat./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm