Kryesia e La Ligës së fundi e ndaloi Barcelonën të regjistrojë lojtarë të rinj, duke miratuar dispozita të reja në lidhje me Fair Play Financiarin.

La Liga shtrëngoi kriteret për shpenzimin e parave për transferime dhe rroga lojtarësh dhe kështu Barcelona hasi në problem me regjistrimin e Olmos, i cili është i vlefshëm deri në fund të vitit.

Sipas situatës aktuale, Olmo nuk do të mund të luajë për Barcelonën në vitin 2025, por sipas informacioneve të fundit nga gazetat Sport dhe Mundo Deportivo, katalanasit kanë gjetur një zgjidhje.

Përkatësisht, Barça gjeti një mënyrë për të fituar 120 milionë euro në katër ditë, duke shitur vendet në zonën VIP të stadiumit të ri të rikonstruktuar Camp Nou, për një periudhë më të gjatë kohore.

Në këtë mënyrë, Barcelona do të rrisë shpejt të ardhurat e saj, duke mundësuar kështu shpenzime të reja që nuk do të bien ndesh me Fair Play Financiar.

Nëse plani i Barcelonës do të “funksionojë” dhe nëse do të fitojnë vërtet një shumë kaq të madhe parash për katër ditë, mbetet për t’u parë.

Olmo ka shumë probleme me lëndime këtë sezon, kështu që ai luajti 15 ndeshje për Barcelonën në La Liga dhe Ligën e Kampionëve, duke shënuar gjashtë gola dhe duke regjistruar një asistim.

Katalunasit e sollën atë nga RB Leipzig këtë verë në një transferim prej 55 milionë eurosh. /Telegrafi/