Barcelona bën ofertën e parezistueshme, e do kalimin e Coutinhos te Lazio

17:18 | 15 Gusht 2021
KRG

Barcelona do nis edicionin 2021/22 në La Liga kundër Real Sociedadit, sfidë e parë që nga humbja e Lionel Messit në kampionat.

Një ndër arsyet që shkaktoi që Messi të largohet ishin lojtarët e shumtë që refuzuan largimin ose zbritjen e pagës.

Rregullat financiare vendosin shumë, andaj presidenti Joan Laporta nuk rrezikoi ta mbajë argjentinasin.

Sipas Tuttomercatoweb, Barcelona i ka ofruar Lazios shansin për të transferuar mesfushorin Philippe Coutinho në formë huazimi dhe do kontribuojë edhe duke i paguar gjysmën e pagës.

Marrëveshja shihet si e vështirë, por jo edhe e pamundur, ngase braziliani nuk është në planet e Ronald Koeman.

Gjithashtu, Coutinho as nuk ishte i ftuar për takimin ndaj Sociedadit./Lajmi.net/

Shpërndaje në rrjete sociale

Lajmet më të lexuara

Të ngjashme

Foto lajm