Barça vazhdon e pamposhtur, shkëlqen Luis Suarez

18:06 | 18 Nëntor 2017
Arbresh Info

Lideri i La Ligas ka vazhduar si i pamposhtur këtë sezon në kampionatin spanjoll edhe në ndeshjen pasditen e së shtunës.

Superylli Luis Suarez ka gjetur formën duke shënuar dy herë në fitoren 0 me 3 të Barcelonës ndaj Leganes në ndeshjen e zhvilluar në kuadër të xhiros së 12-të, shkruan portali arbresh.info.

Goli i epërsisë nga Suarez në stadiumin Municipal de Butarque erdhi në minutën 28′ të ndeshjes. Reprezentuesi uruguaian shënoi me lehtësi nga afërsia.

Luis Surez shënoi dy gola në fitoren 0 me 3 ndaj Leganes
Luis Surez shënoi dy gola në fitoren 0 me 3 ndaj Leganes

Goli i dytë nga 30-vjeçari ishte i mrekullueshëm. Pas disa përpjekjeve të vazhdueshme nga “Blaugranët”, Suarez me një goditje të fuqishme arriti të mposhtë sërish portierin Ivan Cuellar (60′).

Gjiganti katalunas shënoi golin e tretë dhe të fundit në këtë takim përmes Paulinhos.

Barcelona tani ka 34 pikë në krye të tabelës, shtatë më shumë se Valencia në pozitën e dytë, ndërsa Leganes qëndron në pozitën e nëntë me 17 pikë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm