Barça shumë më e fortë se Chelsea

00:34 | 15 Mars 2018
M. A.

Barcelona ka mposhtur Chelsea me rezultat 3:0 për të kaluar në çerekfinale të Ligës së Kampionëve.

Skuadra katalunase kaloi në epërsi veç tre minuta pas fillimit të takimit, pasi Lionel Messi u gjend më së miri në zonën e Bluve.

Ousmane Dembele dyfishoi avantazhin e vendasve në të 20-ën minutë, pas një serie rastesh të humbura nga mysafirët.

Me këtë rezultat u mbyll pjesa e parë, ndërsa në të dytën Chelsea vazhdoi të sulmonte, por pa arritur të shënojë.

Kështu në të 63-ën minutë, Lionel Messi shënoi të dytin gol personal dhe të tretin për Barçën në këtë përballje, duke vulosur kështu takimin.

Barcelona u bë skuadra e fundit që u bashkohet të tjerave në çerekfinale të Ligës së Kampionëve.

Shpërndaje në rrjete sociale

Lajmet më të lexuara

Të ngjashme

Foto lajm