Google ADS

Bajrami dhe Vojvoda në formacionin e javës së 31-të në Serie A

10:13 | 9 Prill 2024
D.H

Nedim Bajrami ishte kryefjala e Sassuolos në këtë javë të 31-të në Serie A.

Fantazisti i kombëtares së Shqipërisë u shndërrua në protagonistin e madh në ndeshjen kundër Salernitanës të mbyllur me shifrat 2-2, teksa dhuroi një asist si dhe shënoi një gol.

Ndër të tjera, 25-vjeçari ishte edhe nismëtar i shumë aksioneve për skuadrën e tij duke merituar në fundin e ndeshjes, notën më të lartë te skuadra e Sassuolos. Paraqitja pozitive i bën vend Bajramit edhe në formacionin e javës në Serie A, të publikuar nga Goal Italia.

Lojë të mirë me skuadrën e tij bëri edhe futbollisti dardan, Mërgim Vojvoda.

Vojvoda dhuroi asistim në golin e Zapatas në ndeshje ndaj Empolit, që skuadra torineze e humbi me rezultat 3-2.

Pas kësaj performance ylli dardan zuri vend në 11-shen më të mirë të javës së  31-të.

Krah me Vojvodën e Bajramin ishin edhe emra të njohur si Victor Osimhen, Rafael Leao, Frattesi e Mancini./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm