VAR-i shkatërroi momentin historik të Francesco Camardas me Milanin pasi gol i tij u anulua

22:32 | 22 Tetor 2024
R J

Francesco Camarda u bë lojtari më i ri italian që bëri debutimin e tij në Ligën e Kampionëve dhe madje shënoi për Milanin kundër Club Brugge, por goli i tij u anulua për pozicion jashtë loje pas një kontrolli të VAR.

Sulmuesi italian Camarda bëri sërish histori të martën, duke u bërë debutuesi më i ri italian në Ligën e Kampionëve me 16 vjet e 226 ditë. 

Rekordi i mëparshëm i përkiste Moise Kean, i cili debutoi në këtë garë me Juventusin në moshën 16 vjeç e 267 ditë. 

 

 

Madje Camarda gjeti rrjetën pak minuta pas futjes së tij nga bankina në pjesën e dytë, por goli u anulua për pozicion jashtë loje pas një kontrolli në VAR. 

Sulmuesi italian hoqi fanellën për të festuar dhe u ndëshkua me karton të verdhë gjithashtu. 

 

 

Nëse goli do të kishte qëndruar, Camarda do të ishte bërë golashënuesi më i ri i Milanit në Ligën e Kampionëve. 

Milani festoi në fund, duke fituar 3-1, e që ishte fitorja e parë e tyre, pas dy humbjeve ndaj Bayer Leverkusen dhe Liverpool./Telegrafi/ 

Shpërndaje në rrjete sociale

Lajmet më të lexuara

Të ngjashme

Foto lajm