Australia një hap larg Kupës së Botës – do luajë me Peru për një vend në turneun e madh

09:32 | 8 Qershor 2022
KRG

Australia do të luajë për t’u kualifikuar në Kupën e Botës.

Skuadra e Graham Arnoldit mundi Emiratet e Bashkuara Arabe 2-1 në gjysmëfinalen ndërkontinentale të play-off-it. Gjithçka interesante në këtë ndeshje ndodhi në pjesën e dytë.

Fillimisht në minutën e 53-të rezultatin e hapi Jackson Irvine, i cili shfrytëzoi asistimin e Martin Boyle.

Rivalët, megjithatë, nuk u dorëzuan. Në minutën e 57-të, Caio Canedo, sulmuesi i Emirateve të Bashkuara Arabe, shënoi për barazim.

Goditjen vendimtare në këtë ndeshje, megjithatë, e dhanë australianët. Në minutën e 84-të rezultatin e ndryshoi, Ajdin Hrustić.

Australia fitoi 2-1 dhe do të luajë në finalen e play off-it ndërkontinental. Australia dhe Peruja do të takohen më 13 qershor.

Fituesi i kësaj ndeshje do të kualifikohet në Kupën e Botës. Në Katar fituesi i duelit do të shkojë në një grup me Francën, Danimarkën dhe Tunizinë.

Shpërndaje në rrjete sociale

Lajmet më të lexuara

Të ngjashme

Foto lajm