Aubameyang shtron kërkesë te Dortmundi për transferim në Arsenal

14:11 | 16 Janar 2018
Arbresh Info

Pierre Emeric Aubameyang thuhet se ka kërkuar nga Borussia Dortmundi të lejojë transferimin e tij për 54 milionë funta te Arsenali.

“Topçinjtë” kanë nisur bisedimet me skuadrën gjermane rreth një marrëveshje që mund të sjell sulmuesin gabonez në Emirates këtë muaj, transmeton portali arbresh.info.

Tani, gazeta gjermane ‘Bild’ pretendon se Aubameyang ka shtruar një kërkesë për transferim në përpjekje për të siguruar kalimin në Angli. Raportet ndërmjet sulmuesit dhe klubit të tij duket se janë përkeqësuar gjatë javëve të fundit për shkak se trajneri Peter Stoger e ka lënë jashtë fushës në vikend.

Një gjë të tillë është duke kërkuar ta shfrytëzoj Arsenali, i cili shpreson të siguroj një marrëveshje me 28 vjeçarin gjatë javës së ardhshme.

Trajneri Arsene Wenger është një admirues i madh i sulmuesit dhe e sheh atë si një zëvendësues të kilianit Alexis Sanchez, largimi i të cilët duket i pashmangshëm këtë merkato./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm