Atletico Madrid shpreson ta shesë Lemar te Arsenali

19:24 | 2 Janar 2020
Arbresh Info

Atletico Madrid është duke konsideruar mundësinë për të fituar para nga shitja e sulmuesit, Thomas Lemar te Arsenal.

Gjiganti spanjoll dëshiron të transferojë një sulmues në afatin dimëror, me shpresën e përforcimit të sulmit, transmeton portali arbresh.info.

Ylli i PSG-së, Edinson Cavani dhe sulmuesi i Borussia Dortmund, Paco Alcacer janë të lidhur me transferimin në “Wanda Metropolitano”.

Sipas Marca, gjiganti spanjoll nuk ka para për të transferuar ndonjërin nga këta dy sulmues.

Mirëpo, klubi madrilenas është duke konsideruar mundësinë për të shitur francezin dhe me ato para të transferojë Cavanin ose Alcacer.

Lemar është transferuar në Atletico në vitin 2018 nga Monaco për 64 milionë euro, mirëpo këtë sezon ka dështuar të shënojë apo asistojë në 21 paraqitje në të gjitha garat./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm