Aston Villa nuk ka të dalur, kërkon transferimin e mesfushorit të Juventusit

11:06 | 23 Janar 2022
Lorik Gerbeshi

Aston Villa ka bërë një lëvizje për mesfushorin e Juventusit, Rodrigo Bentancur.

“Daily Mail”, thotë se uruguaiani është bërë një objektiv i shquar për Villan pasi ata kërkojnë një lojtar mbajtës dhe diskutimet janë duke u zhvilluar.

Bentancur ka bërë 18 paraqitje në Serie A këtë sezon, por Juventusi është i gatshëm të dëgjojë ofertat ndërsa përpiqet të ribalancojë skuadrën e tyre gjatë dritareve të ardhshme të transferimeve.

Ende vetëm 24 vjeç, Bentancur iu bashkua Juves nga Boca Juniors pesë vjet më parë dhe ka pasur paraqitje solide në Torino, duke i ndihmuar ta të fitojnë shtatë trofe të mëdhenj, përfshirë tre tituj të Serie A.

Ai luan për herë të dytë nën drejtimin e Massimiliano Allegrit, pasi ka punuar edhe me Maurizio Sarrin dhe Andrea Pirlo.

Pas nënshkrimit të Philippe Coutinho, Robin Olsen dhe Lucas Digne këtë muaj, tekniku i Villas, Steven Gerrard po synon gjithashtu një mesfushor mbajtës dhe një qendërmbrojtës./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm