Asllani para ndeshjes me Qipron: Do të japim maksimumin për të marrë tre pikët

16:57 | 13 Tetor 2024
D.H

Kosova të martën luan ndeshjen e radhës ndaj Qipros në kuadër të Ligës së Kombeve.

Ndeshja do të luhet në stadiumin “Fadil Vokrri” të Prishtinës me fillim nga ora 20:45, shkruan Arbresh.info.

Teksa sot Dardanët kanë zhvilluar stërvitjen e radhës pas fitores së djeshme ndaj Lituanisë.

Pas stërvitjes ka folur sulmuesi i ardhur në shtator tek Kosova, Fisnik Asllani.

“Ka qenë një fitore shumë e rëndësishme përkundër se ishte një ndeshje e vështirë ndaj një kundërshtari që ka bërë lojë të mire. Ka një atmosferë shumë të mirë në ekip pas kësaj fitore dhe kjo është e rëndësishme. Besoj që ndaj Qipros do të jetë një ndeshje e mirë pasi kemi edhe ‘Dardanët’ pas nesh dhe do të japim maksimumin për të marrë tre pikët, tha Asllani në një prononcim për FFK-në.

Kosova është e dyta në tabelën e grupit 2 të Ligës C të Kombeve, me gjashtë pikë, kurse lidere është Rumania me nëntë sosh./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm