Asllani: Gjynah që nuk morëm tre pikët, godita me sy mbyllur

18:41 | 19 Qershor 2024
D.H

Shqipëria dhe Kroacia luajtën baras me rezultat 2-2 në kuadër të grupit B.

Pas ndeshjes Kristjan Asllani foli lidhur me rrjedhën e takimit ku tha se morën dy gola që mund të evitonin shumë lehtë, shkruan Arbresh.info.

Ndërsa u ndal edhe tek një rasti i humbur i tij ku u shpreh se kishte gjuajtur me sy mbyllur.

“Ndeshje me shumë emocione, gjynah që nuk morëm tre pikët. Pësuam dy gola që mund t’i evitonim, pastaj mund ta fitonim ndeshjen në fund, por morëm një pikë jemi të lumtur. Mund të kishim bërë më shumë, por kjo është rruga. Rasti i humbur? Mendoja se do ta kapte topin Modric, godita me sy mbyllur, por çfarë të bëj? Futbolli kështu e ka”, u shpreh Asllani.

Shqipëria ka edhe një ndeshje e cila është vendimtare dhe vendos fatin e kuqezinjve këtë Euro, ditën e hënën ndaj Spanjës./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm