AS Roma me stilin fshesa, nëntë lojtarë me valixhe në duar

13:18 | 14 Maj 2024
KRG

Organika e Romës pritet të pësojë ndryshime të mëdha në sezonin e ri. Trajneri Daniele De Rossi pritet të përshëndetet me të paktën nëntë nga lojtarët aktualë të verdhekuqve.

Sipas asaj që njofton “Il Messaggero”, nga Roma do të largohen Rui Patricio që tashmë është shndërruar në portierin e dytë pas paraqitjeve fantastike të Svillar, për të vazhduar me Smalling, Llorente, Kristensen, Spinazzola, Huijsen, Renato Sanchez, Azmoun e deri te Romelu Lukaku.

Daniele De Rossi ka dhënë miratimin e tij për largimin e emrave të sipërpërmendur, teksa klubi në këtë formë lirohet edhe nga rrogat e larta duke kursyer në total 24 milionë euro. Mbetet për t’u parë më pas lëvizjet në merkaton e verës teksa Roma do të synojë të qëndrojë mes skuadrave të pesëshes së parë në kampionat, por pa harruar edhe kompeticionet europiane./SS

Shpërndaje në rrjete sociale

Lajmet më të lexuara

Të ngjashme

Foto lajm