Google ADS

Arteta thotë se mund të ketë transferime të reja tek Arsenali

19:44 | 23 Gusht 2024
KRG

Trajneri i Arsenalit, Mikel Arteta, e ka vlerësuar punën që është duke e bërë Aston Villa në edicionin aktual në Premier League.

Ai të premten në konferencë për shtyp është shprehur se skuadra e tij duhet të luaj sa më mirë ndaj Aston Villas.

“Aston Villa është skuadër shumë e mirë, me të vërtetë e trajnuar mirë. Ata dominojnë çdo aspekt të lojës. Kur u jep hapësirë për të vrapuar, ata janë fenomenalë dhe kur duhet të gjejnë hapësirë, ata janë në gjendje ta bëjnë këtë. Ne duhet të luajmë mirë të shtunën”, ka deklaruar Arteta.

42-vjeçari ndër të tjera ka theksuar se mund të ketë transferime të reja te skuadra e Arsenalit.

“Gjithçka mund të ndodhë deri në fund të afatit kalimtar. Në javën e fundit, duhet të jemi vigjilent dhe të përgatitur sepse shumë surpriza mund të vijnë për arsye të ndryshme”, ka thënë spanjolli.

Aston Villa dhe Arsenali do të takohen të shtunën në stadiumin “Villa Park”, nga ora 18:30.

Shpërndaje në rrjete sociale

Lajmet më të lexuara

Të ngjashme

Foto lajm