Google ADS

Arteta mbeti i tronditur nga paraqitje e papranueshme e Arsenalit kundër Liverpoolit

16:40 | 4 Prill 2021
A. B.

Trajneri i Arsenalit, Mikel Arteta, ka thënë se është tronditur nga paraqitja, siç e ka quajtur, e papranueshme, e skuadrës së tij në humbjen e thellë 3:0 kundër Liverpoolit në shtëpi.

Topçinjtë, që janë nëntë pikë larg një vendi që dërgon në Ligën e Kampionëve tetë ndeshje para përfundimit të sezonit në Premierligë, u dominuan plotësisht nga të kuqtë dhe i pranuan të tri golat në pjesën e dytë.

Ishte një paraqitje e dobët nga Arsenali dhe Arteta e pranoi këtë pas ndeshjes.

“Ata ishin shumë më të mirë se ne në çdo repart. Unë jam plotësisht përgjegjës për këtë”, tha Arteta.

“Ne duam t’u kërkojmë falje njerëzve dhe tifozëve tanë”, shtoi ai.

Arteta ka kërkuar reagim të menjëhershëm nga lojtarët e tij pas paraqitjes së tmerrshme kundër Liverpoolit.

“Jam i tronditur sepse nuk e prisja këtë. Sigurisht se nuk guxojmë të biem në këtë nivel prapë. E papranueshme kur ne e përfaqësojmë këtë klub futbolli dhe njerëzit që e duan këtë klub”./Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm