Arsene Wenger premton largimin nga Arsenali nëse nuk fitojnë Premierë Ligën

17:22 | 4 Qershor 2017
Arbresh Info

Arsene Wenger do të largohet nga Arsenali verën e ardhshme nëse ata dështojnë për të fituar titullin në ligë.

“Topçinjtë” përfunduan në pozitën më të keqe në Premierë Ligë që nga viti 1996 duke rënë në vend të pestë në tabelë këtë edicion, transmeton portali arbresh.info. Ata ishin 18 pikë larg nga kampioni Chelsea, por rikthyen krenarinë pas fitores ndaj “Bluve” në finale të ‘FA Cup’.

Sezoni i Arsenalit ishte i dominuar nga spekulimet rreth të ardhmes së trajnerit Arsene Wenger. Francezit i skadonte kontrata në fund të këtij sezoni, por këtë javë ka nënshkruar vazhdimin e marrëveshjes për edhe dy vite.

Bazuar në ‘Mirror’, një numër i madh i anëtarëve të bordit, përfshirë aksionarin më të madh Stan Kroenke, kanë shprehur shqetësimin rreth qëndrimit të francezit në klub.

Prandaj, Wenger thuhet se i ka premtuar klubit se do të largohet në fund të sezonit të ardhshëm nëse dështojnë për të siguruar titullin në Premierë Ligë./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm