Arsene Wenger mund të kthehet te Arsenali

15:41 | 25 Nëntor 2021
Lorik Gerbeshi

Trajneri i Arsenalit, Mikel Arteta ka shprehur dëshirën e tij që ish-trajneri i “Topçinjëve”, Arsene Wenger të kthehet te skuadra angleze, duke këmbëngulur se klubi do të ishte “i kënaqur ta kishte shumë më afër”.

Wenger u largua nga Arsenali në vitin 2018 pas 22 vitesh në krye dhe tani po punon si shefi i zhvillimit global të FIFA-s.

Arteta luajti nën urdhërat e Wenger për pesë vjet përpara se të tërhiqej në vitin 2016 dhe të transferohej në një rol trajneri te Manchester City nën drejtimin e Pep Guardiolës.

Nga ana tjetër, Arteta nuk ka bërë të ditur se në çfarë roli do të dëshironte kthimin e Wenger në klub./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm